shaiKh saahab se rasm-o-raah na kii
4:40 PM Posted In Faiz Ahmed Faiz Edit This 0 Comments »shaiKh saahab se rasm-o-raah na kii
shukr hai zindagii tabaah na kii
tujh ko dekhaa to ser-e-chashm hue
tujh ko chaahaa to aur chaah na kii
tere dast-e-sitam kaa ajz nahii.n
dil hii kaafir thaa jis ne aah na kii
the shab-e-hijr kaam aur bahut
ham ne fikr-e-dil-e-tabaah na kii
kaun qaatil bachaa hai shahar me.n 'Faiz'
jis se yaaro.n ne rasm-o-raah na kii
0 comments:
Post a Comment