Vo saahilon pe gaane vaale kyaa hue

12:06 PM Posted In , , Edit This 0 Comments »
vo saahilo.n pe gaane vaale kyaa hue
vo kashtiyaa.N jalaane vaale kyaa hue

[saahil = shore; kashtii = boat]

vo subah aate aate rah ga_ii kahaa.N
jo qaafile the aane vaale kyaa hue

[qaafilaa = caravan]

mai.n jin kii raah dekhataa huu.N raat bhar
vo raushanii dikhaane vaale kyaa hue

ye kaun log hai.n mere idhar udhar
vo dostii nibhaane vaale kyaa hue

imaarate.n to jal ke raakh ho ga_ii.n
imaarate.n banaane vaale kyaa hue

[imaarat = building; raakh = ashes]

ye aap ham to bojh hai.n zamiin kaa
zamii.n kaa bojh uThaane vaale kyaa hue

[bojh = burden]

Lazzat-e- zikar naam-e-khuda hai chaman

4:48 PM Posted In , , Edit This 0 Comments »
Lazzat-e- zikar naam-e-khuda hai chaman
Aur ghaflat ki dunya ha dash two damen

Ki hai jis nay bhi hijrat tere naam per
Pa gaya pa gaya wo bahar-e-watan

Hai zaroori gunhaon ko bhi chorr de
Asal hijrat nahi sirf tark-e-watan

Shehar mahboob hoga jahan bhi kahin
Aashiqo ka suna hai wohi hai watan

Phir madinay ki lazzat ko may kya kahon
Kaash hota madinay may mera watan

Kis tarha ma kahon dil se ai doston
Zinda baad ai watan zinda baad ai watan
Older Posts